Ka Seiñ Kur Dkhar East Jaintia Hills District, kan pynlong ia ka Fete cum Dancing Competition ba shisngi jong ka ha Eastside Inn, Jaliyiah, East Jaintia Hills, ha ka 08.04.2023, naduh ka por 10:30AM haduh ka por 10:00PM mynmiet, na ka bynta ban pynmih pisa ban ioh shna ia ka ïingtreikam ba pura jong ka kur, ia kaba la sdang shna iamynta ha ka shnong Mookhep, East Jaiñtia Hills. Ha kane ka Fete jong ka SKDEJHD, yn don shibun ki iew ki hat ba har rukom (various items) naduh ka por mynstep haduh mynmiet, kiba kynthup ia ka housie, ka iew die jaiñ die nep, ka iew die tiar die tar lem bad ka jingpyniakhalai nusib ia ka Lucky Draw jong ka seng. Na ka bynta ka Dancing Competition ha katei ka miet yn leh kumne harum:- Ia ka Dancing Competition yn pynleh ha ka por 7:00PM shaneng. Ka Dancing Competition kan dei tang ia ki nongshad ba marwei-marwei (Solo Dancers) bad kan dei ruh ia baroh (Open to all).Ka buskit kan long lai tylli, kata, 1st Prize – Rs. 7000/-, 2nd Prize – Rs. 4000/-, 3rd Prize – Rs. 2000/-.Yn shah tang 20 ngut ki nongiashim bynta.
Kiba kwah ban iashim bynta, kin hap ban register kyrteng shuwa ia lade, da kaba phone ha kine ki number, kata, 9615400135 / 7005079043, naduh ka, 01.04.2023, kata naduh ka por 10.30AM haduh 9:00PM man ka sngi.
Yn shim kyrteng tang ia kito ki nongiashim bynta kiba ioh applai shwa (First come, first serve basis), bad ba ia ka jingshim kyrteng (register of participants) yn khang noh shisyndon marsyn dap 20 ngut ki nongapplai.
Ka Entry Fee na ka bynta ki nongiashim bynta kan long Rs. 200/-.
Ki nongiashim bynta kiba lah dep ai kyrteng (register) shuwa ialade, kin hap ban poi ha Eastside Inn, shwa ka 7:00PM ban pyntip shuwa ia jingwan (Report of Attendance) jong ki, bad ruh na ka bynta kiwei kiwei pat ki jingdonkam.
Na ka bynta ki jingtip ba kham bniah halor kane, phi lah ban phone ha kitei ki number ba la kdew haneng. La kyrpad ia baroh ki parakur Dkhar baieit kiba don ha kylleng sawsong ka Ri Jaiñtia, khamtam eh ia ki parakur Dkhar kiba don ha East Jaintia Hills District, bad kumjuh ruh ia ki paralok baieit baroh ban ia pyllait por ban iawan shit rhem sha ktei ka Fete cum Dancing Compettion jong ka SKDEJHD, ka ban long ha katei ka sngi, ka por bad ka jaka ba la kdew haneng, khnang ba katei ka jingthmu jong ka seng, kan long kaba phuh baphieng, kaba shongkun bad ruh kaba jop pura. Kane ka long kat kum u kyrwoh ba la pyllait da u Bah M H Dkhar, Ad. Genl. Secy. Seiñ Kur Dkhar East Jaintia Hills District.