Yn pynlong Free Online Coaching ki bor pyniaid District ka West Jaintia halor ka Exam UPSC

Ka Office jong u Deputy Commissioner, West Jaiñtia Hills, ha ka jingïatrei lang bad ka SPM IAS Academy Guwahati, kin pynlong ïa ka “SUPER 30 UPSC FREE ONLINE COACHING PROGRAMME” na ka bynta ki samla ba kwah ban shim bynta na West Jaintia Hills. Kane ka programme kan ai 100% free online coaching bad ki nonghikai ba tbit na ka SPM Academy, ryngkat bad ki kot ki sla pule kiba khlem kano kano ka jingsiew.
Tang ki 30 ngut ki samla kiba tbit tam ha ka exam (entrance exam) kiba shah jied kin ioh ïa kane ka jingïarap. Ki nongapplai ki dei ban long ki samla ba pule Final Year ha ka Degree lane kiba la pyndep ïa ka Degree bad ki dei ban don ïa ka Permanent Domicile lane ki nongshong shnong ba pura ka West Jaintia Hills District.
Ki samla ba kwah ban shim bynta ki dei ban apply da kaba pyndap ïa ka form kaba la pynkhreh shwa ka 20 Nailar 2025. Ka entrance exam kan long ha ka 23 Nailar 2025 bad kan long halor ki current affairs jong u bnai Jymmang, Jylliew bad Naitung. Kane ka jingïaleh exam ka dei kaba lah ban wad jingtip lyngba ka YouTube Channel jong ka SPM IAS Academy. Ki nongaplai ki dei ban phah da ka “Hi” sha u number ‪+91 9387861440‬ ban ioh ïa ka Google Form bad ia ki jingtip ba donkam.