Ka Sengkur Sari Sengkmie kan pynlong ïa ka Dorbar Bah (General Meeting) jong ka, haka 12/04/2025 ha ka Shnong Wahiajer, West Jaiñtia Hills District. Ka thong jong kane ka Dorbar bah ka long ban ïoh kynduh ïa baroh ki khun, ki kti ki hymmen ki para jong ka Kur Sari kiba shong ba sah sha kylleng kylleng ki shnong ki thaw naduh na thaiñ Ri-Pnar, Ri-Khasi, Ri-Bhoi bad shaduh sha ki thaiñ Assam.
Kumta na ka liang jong ka Sengkur Sari Sengkmie ka khot ïa baroh ki hymmen ki para ki meiheh mei san ki mama ba kin pyllait por khnang khnang ha katei ka tarik 12/04/2025 ban ïawan sha katei ka Dorbar bah ka jingïa kynduh lang khrui ki khun ka Kur Sari kiba shong ba sah hapoh kane ka Jylla Meghalaya bad kumjuh ïa kiba shong shapoh u pud u sam ka Jylla Assam.
Ha kane ka jingïa kynduh lang ha Dorbar yn ïoh ban ïakren ïa khana ïa pynbeit ïa kiwei kiwei ki kam kiba ka Seng Kur Sari kan leh naka bynta ki khun jong ka Kur khamtam kumba ïohi sha ki kot khubor baka Sorkar Jylla lyngba ki District Council khamtam hapoh ka Khasi Hills Autonomous District Council ka la ithuh ïa ka kur Sari bad kala ithuh ïa ki nongïalam jong ki kur bapher bapher hapoh u pud u sam jong ka KHADC bad kumjuh ruh sha ki thaiñ Pnar.
Na ka Liang jong ka Dorbar ki Waheh Kur Ri Jaiñtia kala dep ban leit buh jingthoh sha ka Jaiñtia Hills Autonomous District Council ba ka ruh kan ithuh noh ïa baroh ki kur ki jait kiba don hapoh u pud u sam jong ka. Kane ka long katkum ka jing pyllait khubor u ma S. Sari, General Secretary Seng Kur Sari Sengkmie, Meghalaya.