Ka Seiñkur Tang Pyllun kala pyntip ba ka Dorbar Pyllun (General meeting) kaba ar kan long ha ka 24 tarik mynta u bnai Rymphang, 2024 ha ka shnong Mowtyrshiah, West Jaiñtia Hill District naduh ka por 10 baje mynstep.
Ka Seiñkur ka khot sngewbha ïa baroh ki khun ka Kur kiba don na kylleng sawdong jong ka jylla bad na kiwei de ki jaka ba kin wan sha kane ka Dorbar Pyllun.
Ha kane ka Dorbar Pyllun ki nongïalam ba hakhmat ka Kur bad ki riew rangbah kin ai ki jingsneng jingkhraw bad ha ka juh ka por yn pynkup burom kumjuh ïa ki samla pule jong ka kur kaba la tip kum ka ‘Academic Award’ khamtam kito kiba la ïoh 75% shaneng ha ka SSLC, HSSLC bad ha ka kyrdan Doctorate.
Kan don ruh ka jingpynkup burom ïa ki riew tymmen jong ka Kur kiba la kynjoh sha ka rta 80 snem shaneng.
Na ka liang ka Kur ka buh ka jingkyntu ïa baroh ki para Kur ba kin ïapoi sha katei ka Dorbar kaba ar, pynkut ka kyrwoh bala phah da u ma A. Tang uba dei Secretary ka Seiñkur Tang Pyllun. Ïa ki jingtip ba bniah lah ban phone ha une u number: 7005250897.
