Ka ophis jong u Deputy Commissioner (DC) West Jaintia Hills District, ryngkat ka jingiatreilang ka ophis u District Sports Officer (DSO) kumjuh ruh ka District Sports Promotion Society (DSPS) kin pynlong iaka jingmareh kaba la tip kum ka “Run for Unity”, kaba long kum ka dak ka jingrakhe iaka National Unity Day- Rashtriya Ekta Diwas haka ha kane 31.10.2022. Kane ka jingmareh kan sdang naduh ka por 6:30 mynstep bad ia ka Registration na ka bynta ki nong shim bynta kan long ha Kiang Nangbah Indoor Stadium, Jowai haka por 5:30 mynstep.
Ka National Unity Day ka dei ka jingkynmaw burom iaka sngi kha u Sardar Vallabhai Patel, u nongialeh laitluid ba wanrah ia ka jingtylli ki jaitbynriew ka ri India. Ka jingmareh kan sdang na Kiang Nangbah Stadium, Ladthadlaboh Mainroad, Kiang Nangbah Government College, By Pass, Myntdu Bridge, Police Point, New Hill, National Highway bad pynkut biang ha Kiang Nangbah Stadium.
Kumta ka ophis u DSO ka khot ia baroh ban wan ia shim bynta ha kane ka jingrakhe iaka National Unity Day, ha kaba ki nongjop ha kane ka jingmareh kin rah ruh ia ka khusnam.