U Deputy Commissioner bad Chairman ka District Disaster Management Authority (DDMA), West Jaiñtia Hills District ula pyntip ba ka Meghalaya State Disaster Management Authority, District Disaster Management Authority West Jaiñtia Hills District, ka Revenue & Disaster Management Department ka sorkar jylla ha ryngkat ka jingtreilang ka National Disaster Management Authority, Ministry of Home Affairs ka sorkar India kin pynlong ïa ka ‘State Mock Exercise’ ha ka jylla Meghalaya ka ban long ha ka 20 tarik u Lber, 2025.
Na ka liang ka West Jaiñtia Hills District ruh kan shim bynta lang ïa kane Exercise da kaba pynlong ha ki bynta ka sor Jowai, ha Amlarem Civil Sub-Division, ha Thadlaskeiñ bad ha Laskeiñ C&RD Blocks. Ïa kane ka Exercise yn sdang da kaba pynpah shwa ïa ka Siren ha ka por 9 baje mynstep kum ka dak ban sdang ïa ka drill.
U Deputy Commissioner ula kyntu ïa baroh ki paidbah ba kin dei ban sheptieng, hynrei ki dei ban ïasnohkti lang khnang ba kane ka exercise kan long kaba ïaid beit