Ka ophis jong ki Block Development Officer (Amlarem Block, Thadlaskeiñ Block, Namdong Block & Laskeiñ Block) kiba hap hapoh ka West Jaiñtia Hills District ha ryngkat bad ka ophis jong u District Sports Officer, West Jaiñtia Hills District, Jowai kin pynlong ïa ka ‘Chief Minister’s Block Level Youth Engagement Program 2025’ naka bynta ki khynnah shynrang bad kynthei jong ka District.
Na ka bynta ki nongïashim ha kane ka prokram ki dei ban don hapdeng ka rta 15-29 snem. Ïa ki Entry Form lah ban ïoh na ki ophis jong ki Block Development Officer bad ka tarik ba khatduh na ka bynta baroh 4 tylli ki Block kan long ha lane shwa ka 15 tarik u Risaw, 2025 da kaba pynpoi beit sha ki ophis Block Development Officer ba hajan, lait noh na ka Thadlaskeiñ Block ki lah ban pynpoi ha ophis ka Block lane haka ophis u DSO Jowai.
Ki jingïakop haka Solo ki long haka Poitri, Story Writing, Painting, Declamation bad Guitar. Na ka bynta ka kynhun (Group) ki long haka Folk Song, Folk Dance, Quiz Competition, Tug of War bad One Act Play.
Ïaki None Competitive Event ki long haka Life Skill and Leadership Training Workshop, Social Service initiatives (Cleanliness drives) & Health Mela.
La kyntu ïa kino kino kiba kwah ban ïashim bynta lada dei na ki jaka pule, ki Association, ki Club bad na kiwei de ki lah ban pynpoi ïaki kyrteng, ka rta, ka kyrdan pule, Birth Ceertificate/ Aadhaar Card bad ka Contact No, da kaba pynkynmaw ruh ki nongïashim bynta ki lah ban shim tang ar tylli ki jait jingïakop.
Ki jingïakop naka bynta ka Namdong Block kan long haka 21-22 tarik u Risaw ha Community Hall Namdong-B. Ha Amlarem Block haka 23-24 Risaw ha ophis BDO, Ha Laskeiñ Block haka 28-29 u Risaw ha ophis BDO. Katba ha Thadlaskeiñ Block kan long ha ka 30-31 u Risaw ha Kiang Nangbah Govt. College, Jowai.
