U District Sports Officer ka West Jaiñtia Hills District, Jowai ma K. Passah ha ka kyrwoh khubor ula pyntip ba ka tnad ïalehkai jong ka Sports & Youth Affairs ka sorkar jylla ha ryngkat ka Meghalaya Institute of Governance (MIG), ka District Sports Office, Jowai bad ka Thadlaskeiñ Sports Association kin pynlong ïa ka ‘Football Exhibitions Match’ haka 18 tarik u Naiwieng 2024.
Ïa kane ka jingïalehkai Football Exhibitions Match kan long hapdeng ka kynhun Racing Club De Blackheath na United Kingdom pyrshah ïaka Jaintia Veteran-11, ki ban ïakhun haka por 11 baje mynstep ha Wahiajer Multi Sports Complex, Wahiajer West Jaiñtia Hills District.