Ki dkhot ka All Meghalaya SSA non teaching Staff ki la rai da kawei ka sien jam kata ban shong shah thngan naduh ka 29 tarik July 2024 haduh ban da kohnguh ka sorkar ban pynkiew noh ia ka tulop jong ki kaba la sahteng naduh u snem 2016.
Kumban shu pynkynmaw ha u snem 2023 u Minister ba dei peit ia ka pule puthi u Rakkam A Sangma u la jubab ha Assembly bad u la ong ba ka file na bynta ban pynkiew noh ia tulop jong ki SSA la dep phah sha ka tnad Finance hynrei haduh mynta ym shym pat leh ei ei, kane ka pyni ba ka rukom treikam jong ka Finance Department kam kheiñkor bad ka pynbitar ia ki dkhot jong All Meghalaya SSA Non Teaching staff kat haduh kine ki sngi.
Kumta kala pynlong ia ki ban shim noh da kane ka sien jam ban shong shah thngan khlem buh por ka ban sdang naduh ka 29 tarik mynta u bnai.