Ka ophis treikam jong u Deputy Commissioner, West Jaiñtia Hills District kala pyntip ba kan pynlong ïa ka jingrakhe lehkmen ïa ka World Music Day ka ban long ha ka 21 tarik u Jylliew, 2024 ha District Library Auditorium, Mynthong Jowai.
Ha kane ka sngi kin don ki jingtem jingput ba kynthup naduh ki sur tynrai bad kumjuh ki shad tynrai na baroh saw tylli ki Block hapoh ka District kumjuh ruh kiba napoh ka sor Jowai.
Kan don ruh ka jingpyni nam halor ka jingriewspah jong ka riti dustur da ki khynnah naduh ki riam ki beit bad ki tiar ki tar jong ki longshwa, ha kane ka sngi kin don ruh ki jaka ban die ïa ki jingbam ba bun jait bad ka jingpyninam ïa ki tiar tem.
Kumta la khot sngewbha ïa baroh ban wan sha kane ka jingrakhe lehkmen ïa ka World Music Day katkum katei ka tarik bala kdew haneng ka ban sdang naduh ka por 4 baje janmiet shaneng.