Yn pynlong ka Seinkur Bahkhla ia ka program pynkup burom ia ki khun samla bad ia ki tymmen ka kur

Ka Seinkur Bahkhla central body ka ba kynthup ia ka kur Rymbai, Ryngkhlem, Kyndait, Sana, Ksoo, Lyngdoh (Rymbai), Toi, Najiar, Lato, Thma, Chynret, Kyndiah, Rymbui, Pdein (Sana), Bang (Rymbai) bad Khaii, kan pynlong ia ka program Pynkup burom (excellency award) ia ki khun samla ka seinkur ki ba la wan sha khmat ha ki exam ba pher ba pher kumjuh ruh ia ki tymmen ka kur ki ba la palat ia ka rta 90 snem shaneng, ha ka dorbar ka seinkur ka ban sa long ha ka 26 tarik mynta u bnai ha Wapung shnong, East Jaintia Hills naduh Ka por 10 shiteng mynstep.
Ka seinkur Ka la pyntip ba kan pdiang kat kum ki ne ki percentage na ka bynta snem 2021 ki long kumne harum; ha ka kyrdan SSLC, HSSLC 80% shaneng, graduate 80% shaneng, Master 75% shaneng, MBBS, Ph.D bad ki wei ki wei ki kyrdan pule ba kham shalor, la btah ia ki samla pule jong Ka kur ban pynpoi ia ki marksheets, kumjuh ruh ia ka ID proof jong ki tymmen hapoh ka 23 tarik mynta u bnai, lyngba Ki nongkitkam ka seinkur lane ki lah ban phah ha u whatsapp number 8787884815.