U Secretary ka District Legal Service Authority, West Jaiñtia Hills u la pyntip ba ka National Lok Adalat hapoh ka District kan long ha ka 10 tarik Jymmang, 2025 ha District and Session Court Complex, West Jaiñtia Hills District, Khliehtyrshi.
Ka kam ban ïa pynbeit ha kane ka National Lok Adalat ka kynthup ïa ka jingpynphai ia ki ram sha ki bank, ki mukotduma shwa ka jingmudui bad ki mukotduma ki ba dang sahteng, ki mukotduma kiba lah ban weng noh naka jingbishar bad ki mukotduma kiba kynthup ïaka jingsiew bai lutksan naka bynta ki jingmynsaw ne jingiap kiba mih naka jingjia aksiden.
U Secretary ka DLSA u la kyrpad ïa baroh kito kiba la ïoh ïa ka Lok Adalat Notice ba kin don lang ha kane ka sngi ba pynlong ïa ka National Lok Adalat.