[La pyllait ia ka Animated Video halor ka jingkordor ka Wah Myntdu]
Ka kynhun ïada ïa ka wah Myntdu kaba la tip kum ka Khooid Ya Ka Wah Myntdu ha kane ka sngi Saitjaiñ 8 tarik kala ïoh ban pyllait paidbah ïa ka ‘Animated video’ kawei na ki lad ban pynsngewthuh paidbah halor ka jingkordor jong ka Wah Myntdu kaba ker talawiar ïa ka shnong Jowai bad kaba long ruh ka nongbsa umbam umdih.
Hashwa ban pynllait ïa kane ka video la don ka jingïalang ba lyngkot ha ryngkat ka jingdon u President ka Khooid ya ka wah myntdu ma K.L. Pariat, ryngkat u ma Dapherborn N Suchiang General Secretary, u Da oo Manner Youth Convener, Khooid ya ka wah Myntdu bad u samla Wan hi i Challam uba dei ruh u Animator ba shna ïa kane ka Video ha ryngkat ka u kpa jong u ma Ohiwan Lamar.
U ma K.L. Pariat haba ai jingkren ula ong ba ka jingpynkhreh ïa kane ka Video ka long kum ka lad ban ai jinghikai ïa ki khun samla ka shnong Jowai bad ki shnong ba marjan ba kin sumar khuid ïa kane ka Wah Myntdu kaba long ka nongpynim ïa ki khun bynriew.
Ha ka juh ka por ula pynsngew ba ka Committee kala rai ban ïaleh katba lah ban kyrpad jur ïa ki paidbah ba kin nym pyndonkam shuh ïa ki pla plastic ne ki klong um plastic bad ka kynhun ‘Khooid Ya Ka Wah Myntdu’ kala rai ban pynlong ïa ka Peace Rally Cum Awareness Programme halor ka phang kaba ong ‘Save Myntdu River, Save Humanity’ ka ban long ha kane ka 11 tarik u Kyllalyngkot, 2022 naduh na madan Mihmyntdu haduh madan Jrisaleiñ.