U District Magistrate bad District Election Officer ka East Jaintia Hills District, Khliehriat ha ka jingpynmih hukum mynta ka sngi ula bthah ia baroh ki seng saiñ hima sima bad ki kyrtong ki ban iakhun ia ka kam nongmihkhmat sha ka Meghalaya Legislative Assembly ha kane ka Election 2023 ba kin sangeh noh baroh ki kam ialap elekshon bad kiwei de ki bynta kiba iadei bad jingialap ne jingpynbna paidbah.
La bthah ba ka 48 kynta haduh ka jingkhang ia ka jingthep vote kan dei ka por ba jar jar (silent period) bad kane kan sdang naduh ka por 4:00 janmiet jong ka 25 tarik mynta ka sngi.
Ha kaba iadei bad kane la bthah ba baroh ki seng saiñ hima sima bad ki kyrtong ki dei ban pynhiar noh ia ki banner, ki poster ne ki advertisemt bad kiwei kiwei kiba dei ki jingpynbna paidbah jong ki, hapoh ka District baroh kawei hapoh kane ka por 4:00 PM mynta ka sngi (25/02/2023).
Lada don ki bym kohngoh ia kane ka hokum kin sa shah pynshitom katkum ki kyndon 126 jong Representation of the People Act 1951.