Da kaba bud ia ki jingbthah jong ka High Court ka Meghalaya sha baroh ki Distrik ba kin shim ki lad pynshitom kiba tyngeh pyrshah ia ka jingdie bad pyndonkam ia ki plastik kiba pyndonkam tang shisien bad ki pla plastik kiba ka jingrben ka duna ban ia kaba la buh kyndon, ka District Magistrate ka East Khasi Hills ka la buh ka jingmana ia ka jingpynmih, jingkhaïi, jingdie bad ka jingpyndonkam ia ki pla plastik kiba duna ia ka 120 micron ka jingrben bad kine ki tiar plastik naduh ka 1 tarik Jylliew, 2025.
Ki jait tiar plastik kiba la khang ban pyndonkam ki khynthup ia kito kiba pyndait ha ki jingkhlong shkor, ki balloon, ki mit-mit, ice cream, ki lama plastik, ki Thermocol ban wah pynitynnat.
Nangta ki pliang, pela, ki tiar bam kum ki proh, shamoit, tari, tiar kjit jingdih, ki tray, jingking sha, ki tiar song synduk jingbam thiang, ki card khot sngewbha, ki banner plastik ne PVC kiba duna ia ka 100 micron.
Kumjuh ia ki plastik ba pyndonkam tang shisien kiba la kam ba ki dei kiba lah ban pyut bad kiba lah ban pra tangba ki ba khlem ioh ia ka jingpynthikna na ka Central Pollution Control Board (CPCB).
Kino kino kiba pynkhein ia katei ka hukum kin ngat ha ka jingpynshitom hapoh ka Section 18 jong ka Public Waste Management Rules kaba la pynthymmai katkum ka tarik 6 tarik Naitung, 2022 kaba la pynlong aiñ hapoh ka Environment (Protection) Act, 1986.