U Superintendent of Police ka West Jaintia Hills District u B.D. Marak, MPS ula ai ka jingpyntip paidbah ba na ka bynta ka jingbit jingbiang jong ka iaid ka ieng ki kali motor na ka daw jong ka jingdon ka jingniew vote ia ka kam Dolloi jong ki ar tylli ki Elaka ka Nartiang bad Shangpung Doloiship kumta ki pulit pyniaid kali ki hap ban pyntreikam ia ki No Entry bad ki One Way lashai ka sngi (25.03.22) ha ki katto katne ki bynta jong ka nongbah Jowai.
Kumta na ka liang ki bor pulit pyniaid kali (Traffic) kila pynbeit ia ka rukom iaid ki kali naduh ka por 7:00 baje mynstep tad haduh ban da pyndep ia ka jingniew vote.
La pynbeit ba yn pynlong One Way ia ka surok na Stand War ban iaid sha Amlarem.
Baroh ki kali kiba iadei kam bad ka kam niew vote Dolloi kin pynieng ha ki bynta jong u surok Mynthong.
Yn ym shah iaid ne pynieng kali ha ki bynta jong ka MDC Hostel.
Baroh ki kali kiba wan na ki thaiñ Amlarem ki dei ban rung lyngba ka Amlarem Bypass ban poi sha Iawmusiang.
Ym shah ban pynieng kali ha shi lynter u surok ha Riatsasim.
Ym shah ia ki kali ban rung na Riatsasim sha Stand War bad ruh na Stand War sha Riatsasim sha ka jaka ba pynlong ia ka jingniew vote (MDC Hostel).
Ka jingniew ia ki vote yn pynlong ha MDC Hostel, Riatsasim ka ban sdang naduh ka por 9:30 AM.