Ka ophis jong u District Sports Officer, West Jaiñtia Hills District, Jowai kala pyntip ba kan rakhe ia ka sngi ba kyrpang jong ki kynthei ne ka ‘International Women’s Day 2023’ ha ka 15 tarik u Lber, 2023 ha Kiang Nangbah Stadium, Jowai naduh ka por 10 baje mynstep.
Ha kane ka sngi yn pynlong ïa ka jingïakop tan tyllai ‘Open Tug of war’ tang na ka bynta ki kynthei. Ki Players kiba lah ban shibynta haduh 10 ngut na ka bynta kawei ka kynhun kiba long kumne 7 ngut ki Players bad 3 ngut ki Substitute.
Kino kino ki kynhun (team) kiba don jingmut ban ïashim bynta ki lah ban leit shim ïa ka Entry Form na ka ophis jong u ma K. Passah, District Sports Officer, West Jaiñtia Hills District, hashwa ka 13 tarik u Lber, 2023 ha ka por ba long ophis. La pyntip ruh ba yn sam sha ki nongjop bad kiba wan ba ar da ka song pisa lem bad ka trophy.
Ha kaba ïadei bad kane baroh ki School, Colleges, ki dong bad ki shnong napoh ka West Jaiñtia Hills District ki lah ban wan ïashim bynta lang.