Ha ka 21 tarik mynta u bnai ka KSU Wapung Unit kan sa pynlong ia ka jingsam khusnam ia kaba Ia tip kum ka ‘4th U Woh Tep Kyndait Memorial Academic Award 2023’ ia ki samla ba pass bha ha ki jingpule jong ki, kynthup ia kiba pass bha ha ka SSLC, HSSLC, GRADUATE, POST GRADUATE, CBSE examination 2023.
Ia kane ka prokram ym pynlong ha Community Hall Wapung Chnong ha ka por 10 baje mynstep. Ka seng ka la kyntu ia ki samla kiba la dep ban pynpoi ia ki marksheet jong ki ba kin sngewbha ban don khnang ha katei ka sngi bad ka seng ka la kyrpad ia ki kmie ki kpa jong ki khynnah, ba kin iadon lang ryngkat ha katei ka sngi.
Kane ka long katkum ka kyrwoh bala phah da u Victory Phawa, Publicity Secretary KSU Wapung Unit bad u Luckystar Rymbai, Education Secretary KSU Wapung Unit.