Hadien ba la mih ka jingiakynad hapdeng ki nongshong shnong ka Khanduli bad ki Karbi (Bhoi) ha kaba ki paid Karbi kila thmu ban rung shapoh shnong da kaba beh thong ïa ki briew kiba leit rep sha kitei ki jaka ïa khajia pud kaba la mih jingïakhajia ha kaba la don uwei u nongrep jong ka shnong Khaduli uba la pynmynsaw bad ka jingshah pynpaid ïit ka kali u SP ka WJHD, ha kaba mynta ka sngi ruh dang don ka jingshah thang jong ka trep jong ki nongrep ka shnong Khanduli kaba la jia ha ka por 3 baje janmiet.
Ha ka jingiadei bad katei ka jingshah thang da ka jingdom ki paidbah ki la thmu ban leit sha katei ka jaka hynrei la pynsangeh ia ki da ki bor District khnang ban ym mih sa kiwei pat ki jingjia.
Mynta ka sngi na ka liang ka Dorbar Shnong Khanduli ka la pynlong ia ka jingialang paidbah ha shnong Khanduli kaba la donlang ki Dorbar shnong bapher kiba kynthup ia ka Lapangap, Saitsama, Namdong, Umthlu, Umshangiar bad kiwei, ryngkat ka jingiadonlang ki sengbhalang bapher bapher ka Khasi Jaintia.
Na ka liang u Waheh Shnong ka Khanduli u ma Yoshida Nongspung u la ong ba ha kane ka jingialang la rai sangeh noh ka jingialeit sha Karbi ne ban iadie iathied bad ki Karbi, u la ong ba lada ki Karbi ki treh ban iasuk na ka liang ka shnong Khanduli bad ka thaiñ hi baroh ki kloi ban iasuk bad u la ong ba la kyrpad ia baroh ki Khasi Pnar ba la da don kano kano ka jingjia ha ka thiañ Khanduli dei ban don ka jing iatyllilang.
Na ka liang ka Khasi Jainitia Student Union (KSU) WJHDU bad Namdong Unit kila pynpaw ba na ka liang ka seng ka ai ka jingkyrshan ba pura ia ka rai jong ka DS Khanduli.
Na ka liang u President FKJGP WJHD uba long ruh Waheh Shong Namdong B, u ma Damian War, ula ong hadien bala ioh jingtip bad iohi shaphang ka jingjia hynnin ka sngi ha kaba la don ka jingshah thombor ia ki nongrep ka shnong Khanduli ha ki briew ka Karbi, u la ong kum ki para doh para snam ngi don kata ka jingsngew diaw kumta u la ong ba ngin ai ka jingkrshan ia ka rai jong ka DS Namdong bad kyntu iaki padibah ban iatreilang ba kim dei shu ban leit sha poh u pud jong ki Karbi kat bym pat don ka jingiakren kaba sngewthuh jingmut ban poi sha ka jingiasuk.
