Ka jingialehkai Cricket bala tip kum ka West Jaiñtia Cricket League ‘Open To All T20 Cricket Tournament-2022, ba pyniaid da ka All Jaiñtia Cricket Association, Jowai shen kan sa sdang noh ia ka lympung ialehkai ha madan Jrisaleiñ Jowai naduh ka 21 tarik mynta u bnai.
Na ka liang u Tournament Secretary ka AJCA ma Daowan Nartiang ula iathuh ba ki kynhun kiba la wan shakhmat ban iakhun ha kane ka lympung ki don 8 tylli baroh.
Ha ka Pool-A: ki long ka HUCC, Khimusniang, Rising Star XI, Amity (L) Nishan Laloo United. Katba ha ka Pool-B: ki long ka Umshangiar, Chutwakhu, Ummulong XI bad ka Moodymmai XI.
Ha ka 21 tarik u Rymphang, 2022 ha ka por 11 baje mynstep yn wan ban ia aireng nyngkong hapdeng ka kynhun Umshangiar pyrshah ia ka Chutwakhu, ha ka juh ka por ka AJCA ka wer ia kito ki riew ieit Cricket ba kin wan ban sakhi lang ia kane ka lympung kum ka jingai mynsiem ia ki nongialehkai.