Ka sorkar Meghalaya ka la pyntrei kam ia ka Meghalaya Resident Safety and Security Act, 2016 da ka jingthmu ban pyntikna bad ban kham pynbha ia ka jinglong shngaiñ ki nongshong shnong ka jylla da kaba peit bniah bad wad jingtip bha shaphang ki nongshongwai ïing kiba shong ba sah ha ka jylla.
Ka jingpyntrei kam ia kane ka aiñ (Act) kan iada na kino kino ki kam sniew ha shnong ha thaw ha ka jylla bad kan iarap ban khmih bniah bad teh lakam ia ka jingwan rung be-aiñ ne ka jingwan shongwai be-aiñ ki nongwei ha ki shnong bad ki dong bapher bapher ka jylla.
Khnang ban pyntrei kam ia kane ka Act kan long kaba iaid beit iaid rynti, ka Sorkar Jylla ha ryngkat ka jingiatrei lang bad ka National Informatics Centre (NIC), Meghalaya ka la dep pyllait online ia ki application ha ka 8 tarik u Nailur, 2022 lyngba ka website URL https://megrssa.nic.in ka ban pynlah ia ki nongshong shnong (kata ki trai iing trai jaka / Nongshongwai) ban register ia lade ryngkat ka jingpynshisha (verification) na ki bor pyniaid shnong.
Kumta, baroh ki trai iing trai jaka/ki nongshongwai kiba shong ba sah ha kine ki 7 tylli ki shnong, kata, ha Nongrim Hills, Pohkseh, Nongrah, Nongmensong, Lapalang, Riat Laban bad Wahdienglien ki shnong ba la dep ithuh bad jied ha ka thup ba nongkong, ki donkam ban register ia lade ha kane ka app lyngka ka website URL https://megrssa.nic.in kaba lah ban leh na ki Personal Computers (PCs), ki Laptops, Tablets bad ki Smart Phones. Ki trai iing trai jaka bad ki nongshongwai ki lah ruh ban register lyngba ki mobile app kaba lah ban ioh bad download na katei ka website ba la kdew haneng. Ia ki dulir ne ki kot ki sla bad ki jingtip ba kham bniah lah ban ioh na ka office treikam ka Deputy Commissioner, East Khasi Hills District, Shillong bad na ki Rangbah Shnong.