U District Magistrate ka West Jaintia Hills ula pynmih ia ka hukum hapoh ka kyndon 144 Cr. PC ha kaba iadei bad ka jingthang ne pynbthei ia ki bom pataka ha ki sngi rakhe ia ka jinglehkmen Christmas bad snem thymmai ha West Jaiñtia.
Katkum kane ka hukum yn shah ban pyndonkam ia ki bom pataka tang naduh ka por 11:55 PM haduh ka por 12:30 AM ha kitei ki ar sngi ba la kdew haneng.
La khang ruh ban pynbthei bom pataka hapoh ka jingjngai kaba 100 metar na ki Hospital, ki Nursing Homes, ki Primary bad District Health Care Centres, ki jaka pule, ki ïingbishar, ki jaka mane blei ne ha kino kino ki jaka kiba la pyntip ba ki dei ki Silent Zone.
U DM ula pyntip ruh ba tang kito ki dukan kiba la ioh ia ka license na ka ophis u Deputy Commissioner ka District ki lah ban die ia ki bom pataka bad kiwei de ki jingpynbthei, ki dei ruh ban bud ia ki kyndon jong ka Central Pollution Control Board.