Ka tnad Transport jong ka jylla Meghalaya kala pynmih ia ka hukum ba yn shah ia ki kali ban iaid la ki dei kiba don ia ki number ba kut da u odd ne even number ha ki ar sngi lynter kata ha ka 8 bad 9 tarik mynta u bnai. Kane ka dei namar ba kan don ka Combined Higher Secondary (10+2) Level Exam-2020 ha ka 9 tarik mynta u bnai ha nongbah Shillong.
Hynrei ki samla kiba don ha kine ki kali ki dei ban pynshisha ha khmat ki bor jong ka aiñ (Traffic Police -lada ki shah bat) da kaba pyni ia ki Admit Card jong ki na ka bynta katei ka Exam.
