Jowai: Ka ophis treikam u District A.H & Veterinary Officer ha ryngkat ka jingiatreilang bad Hills Farmers’ Union (HFU), Thadlaskeiñ kin sa pynlong ia ka jingpynkup burom ia uwei u rangbah bala tip kyrteng u Foreme Kharsahnoh uba na ka shnong Sohphoh halor ka jinglah jong u ban shna hi ia ka kor pdeng pylleng syiar tang da ka ba pyndonkam ia ki tiar ba ioh na ka sawdong sawkun.
U bah Forme ula lah ban shna ia kane ka kor kaba lah ban pdem ia ki pylleng haduh 700 tylli shisien pdem. Ia kane ka prokram pynkup burom yn pynlong ha ka 24 tarik mynta u bnai ha Conference Room jong katei ka ophis kaba don ha Mynthong Jowai. U Deputy Commissioner ka WJH ma Garod LSN Dykes un long u kongsan ha katei ka sngi.