U Deputy Commissioner, East Jaintia Hills District, Khliehriat ula pynmih ia ka hukum ba yn pynshitom ia kino kino ki briew ki bym treh ban pdiang ne shim ia ki pisa Nar khamtam ia kito ki pisa Nar ba Shiphew tyngka (Rs.10/-).
Ha kine ki khyndiat por kala don ka jingpynkulmar jingmut ha kaba don ka jingbymtreh jong ki dukan ne ki nongshong die ban shim ia kitei ki pisa nar haba ki paidbah ki siew ki thied jingthied. Kumta u DC ula pyntip ba baroh ki pisa nar kiba la pynmih da ka Reserve Bank of India katkum ka section 6 (1) of Indian Coinage Act 2011 ki long kiba dang iaid iew bad treikam, kumta ym dei ban kyntait da mano mano ruh.
Lada lap ia kiba kyntait shim ia kine ki pisa nar ne leh pyrshah kin shah pynshitom katkum ka kyndon aiñ 188 IPC 1988.