U Symbud Myntri Rangbah ka sorkar jylla u ma Sniawbhalang Dhar ula ong khnang ban pynsuk shuh shuh ïa ki paidbah ka jylla naka liang ka sorkar kan sa shong pyrkhat bha ha u snem ban wan ban examine ïa ki proposal bala ïoh lum, halor ki jingdawa ban pynkiew kyrdan ïa ki Civil Sub-Division, ki Block, Police Station, ki Sub-Center bad kiwei de kiba don ha kylleng ka jylla.
Ha ka jingkren sha ki lad pathai khubor mynta ka sngi u Symbud Myntri ula pynsngew halor ka jingdawa ban pynkiew ïa ka Laskeiñ C&RD Block sha ka Civil Sub-Division, ïa kane yn sa pynbeit ha kine ki snem ban wan jong u 2026 ne ha u 2027.
Shuh shuh ula ong ka sorkar ba mynta ka don ïa ka thong ba hakhmat eh ban trei ïa kaba bha tam na ka bynta ki paidbah nongshong shnong ka jylla khamtam ban pynsuk ha ki jingdonkam jong ki lyngba ki ophis treikam bapher bapher.
Haba jubab ïa ka jingkylli kaba ïadei bad don sa ka Mini Secretariat ha Khliehriat, ïa kane ula pyntip ban yn sa peitbniah hadien bala dep shwa ïaka Mini Secretariat kaba don ka sor Jowai.
