Ka National People Party ka la ioh ban thaw ia ka Executive Committee (EC) ha Jaintia Hills District Council (JHADC ) hadien ka jingwan pyniasoh 3 ngut ki MDC ka UDP bad 2 ngut ki MDC Independent bad ka NPP 13 ngut kaba la wanrah ia ka jingbun paid sha ka 18 ngut.
Haba kren sha ki lad pathai khubor ha ka 25 tarik Rymphang 2025 na ka liang U National General Secretary ka NPP u Ma Sniawbhalang Dhar u la ong u ai khublei ia ki paidbah ka Jaintia kiba la kyrshan ban pynjop ia ka NPP haduh 13 ngut ki MDC.
U Ma Sniawbhalang Dhar u la ong ka jingkynnoh jong ka VPP ba pyndonkam da ka bor ka bym iahap tang na ka daw ba ka NPP ka ioh 13 seat ha JHADC bad ka jingioh jong ka VPP 17 Seats ha KHADC na ka liang ka NPP ka khlem kynnoh ba ki pyndonkam da ka bor.
U ai khublei kyrpang ia ki paidbah ha KHADC ba ki la pynjop 4 ngut ki MDC bad ka dei ka rai u paidbah.
U ai khublei kyrpang ia ki bor pyniaid jong ka District Administration kiba la pyniaid beit ia ka Ïlekshon MDC sha KHADC bad JHADC.