Ka Kynhun Myntri ka Sorkar MDA-II ha ka 15 tarik u Risaw, 2025, ka la mynjur ban thungkam pura noh ia ki Nos kiba shah thung kum ki adhoc hashuwa u bnai Nohprah 2007.
Haba kren sha ki lad pathai khubor na ka liang u Myntri Rangbah, u Conrad K Sangma, u la pyntip ba ka kynhun myntri ka la mynjur ban thung kam pura ia ki Nos hapoh ka Meghalaya Nursing Service Appointment kum ki staff nurse bad auxiliary nurse bad midwife”.
U la ong ba ka Sorkar ha u 2022, kala thungkam pura ia palat 3000 ngut ki nongtrei ba shu thung adhoc hashuwa u bnai Nohprah 2007, kaba la pynshong nongrim kat kum ka hukum ka Iingkashari Supreme Court.
