U Myntri Rangbahduh ka ri u Narendra Modi un sa wan poi sha ka Jylla Arunachal Pradesh na ka bynta ban plie paidbah ia ka kad liengsuiñ kaba la ai kyrteng ka Donyi Polo Airport kaba don ha nongbah Itanagar, ha ka 19 tarik mynta u bnai.
Ia kane ka kad liengsuiñ la pyntrei ha ka jinglut kaba T.640 klur tyngka. Ka jingdon jong kane ka kad kan pynkhlaiñ shuh shuh ia ka jingpyniasoh lyngba ki liengsuiñ ka ban wanrah ia ka jingkiew ha ka khaï pateng bad ki kam jngohkai ha ki thaiñ shatei lam mihngi ka ri India.
Ha kane ka juh ka sngi u Myntri Rangbahduh un pyllait paidbah ia ka jaka pynmih bording kaba 600 MW jong ka Kameng Hydro Power Station kaba la pyntrei ha ka jinglut kaba T.8450 klur tyngka. La khmih lynti ba da ka jingdon jong kane ka projek pynmih bording kan pyntam ia ka jingpyndonkam bor ding hapoh ka jylla Arunachal Pradesh.