[U ma Garod un leit kum u DC ka West Khasi Hills]
Mynta ka sngi (5th August, 2022) ka sorkar jylla lyngba ka hukum (Notification) bala pynmih kala pynkynriah kam ia ki katto katne ngut ki IAS ophisar na ki kam ba ki ju bat.
Katkum ka order No.PER.36/2011/Pt.X/9 la pynkynriah kam ia u ma Garod LSN Dykes, IAS uba bat kum u Deputy Commissioner ka West Jaintia Hills District ban un leit shimti noh ia ka kam Deputy Commissioner jong ka West Khasi Hills District.
Katkum ka order No.PER36/2011/ Pt.X/9-A la pynkynriah kam ia u bah B.S. Sohliya, IAS, uba ju bat kum u Secretary to the Govt. of Meghalaya, Water Resources Department, Chief Executive Officer, Shillong Municipal Board, etc bad un wan ban shimti ia ka kam Deputy Commissioner ka West Jaintia Hills District.
Katkum ka order No.PER36/2011/ Pt.X/9-B la pynkynriah kam ia u bah G. Kharmawphlang, IAS na ka kam Joint Secretary to the Govt. of Meghalaya, Urban Affairs Department, Director, Urban Affairs etc ba un leit shimti kum u Deputy Commissioner jong ka South West Garo Hills District.
Katkut ka order No.PER36/2011/ Pt.X/9-C pat la pynkynriah kam ia u Shri. J. Chelani, IAS ba ju bat kum u Deputy Secretary to the Govt. of Meghalaya, Planning Department etc un leit shimti noh kum u Deputy Commissioner jong ka East Garo Hills District.