Ki bor District ka West Jaintia Hills mynta ka sngi kila pynlong ka jingleit jurip ia ka jinglong jingman ha kaba iadei bad ka iaid ka ieng jong ki kali ki mator ha Jowai kaba la ktah ïa ki paidbah hadien ka jingioh ujor ba don ka jingsahkut kali na ka daw ka jingbun palat ki Speed breaker naduh na Loom Soo Iung Newhill haduh ban da poi Mihmyntdu.
Ha kane ka sngi leit jurip la donlang naduh ki Magistrate, u Superintendent of Police u Bikram D. Barak, u District Transports Officer (DTO), ki ophisar na ka tnad PWD, bad kumjuh na ka Jowai Police Traffic.
Hadien ka jingjurip kaba bniah na ka liang jong ki bor District kila pynbeit ban weng noh ïa saw tylli ki Speed Breaker ban kham pynstep ïa ka ïaid ka ieng, bad la aiti ia kane ha ki bor ba dei peit bad ban leh ïa kaba donkam khnang ba ki paidbah kim nym shah ktah palat ha ka iaid ka ieng.
