Ka Synjuk Waheh Shnong East Jaiñtia Hills District (SWEJHD), mynta ka sngi kala phah da ka jingthoh sha u Deputy Commissioner & District Programme Coordinator, SRES-DID, East Jaintia Hills District, ban pynpaw halor ka jingbym lah ban pdiang ia ka jingpyntip (Notification) kaba iadei bad ka Expression of Interest (EOI) kaba la pynmih ha 5 tarik u Rymphang 2025 na ka bynta ban pynpoi ia ki tiar jingdonkam ha ka jingpyntrei ia ka skhim MGNREGA na ka bynta ka snem 2026-27, 2027-28 bad 2028-29.
Na ka liang ka Synjuk kala pynpaw ba katkum ka jingialang paidbah kaba la long ha ka 28 Rymphang 2026 ha Khliehriat West kaba la wan ban iadonlang da ki Waheh Shnong na ki shnong bapher bapher kila dawa ba dei ban weng noh ia kane ka Notification. Ha kaba la kyntu ruh ia u DC ba dei ban bteng ia ka rukom pyniaid kumba mynshuwa ha kaba ki Dorbar Shnong kin rai hi iano yn shah ban pynpoi ia ki tiar ki tar ba donkam ha ka jingpyntrei ia ka skhim MGNREGA.
Ka Synjuk ka pynpaw ba kam lah ban pdiang iai kiba nabar jong ka shnong ban long ki nongpynbiang tiar hapoh ki shnong ki thaw jong ki. Hynrei dei ban dei ban pdiang tang ia ki rai ba la dep ban shim da ki Dorbar Shnong.
