Katba ki sngi ki la nang jan sha ka jingiathep vote sha ka ïing dorbar thawaiñ ka jylla ka ban long ha ka 27.02.2023 na ka liang jong u Deputy Commissioner (Election), East Khasi Hills, Shillong ula pynmih ia ki katto katne ki kyndon kiba la khang ia ki kyrtong bad ki nongbud jong ki ban leh ha ka por ba pynlong ia ka elekshon.
Kine ki kyndon ki kynthup ia ka jingkhang pyrshah ban pynlong ia kino kino ki jingialap elekshon hapoh 100 metre na ka Polling Station, la khang ban pynbeij ia ki nongthep vote da kaba ai pisa, la khang ban leh bor ha kino kino ki jaka thep vote.
La khang ruh ia ka jingthep tuh ia ki vote jong ki wei pat. Ym shah ban pynlong ia kino kino ki jingialang paidbah hapoh ka 48 kynta ha shwa ban pynkut ia ka jingiathep vote.
Yn ym shah ruh ia ki kyrtong ne ki nongkyrshan ban leit shaw ne leit on ia ki nongthep vote sha ki jaka thep vote (Polling Station). La khang ruh ban sam ia ka kyiad ha ka sngi ba thep vote lane hapoh katei ka 48 kynta.
