Kum shi bynta na ka jingbud ryntih ia ki kyndon jong ka General Election sha ka ïing Dorbar thawaiñ jong ka jylla Meghalaya 2023 bad ka jingpyntreikam ia ka kyndon 126 jong ka aiñ Representation of People Act 195, na ka liang jong u District Election Officer, West Jaiñtia Hills ula pyntip ba yn khanglut ia baroh ki jait jingialang paidbah ne ki jingiaid paidbah hapoh ka 48 kynta shwa ban poi ka jingiathep vote.
La khang ruh ia ka pynmih ne pyni ia kino kino ki ba don jingiadei bad ki kam elekshon, katkum ka kyndon 129 (3) jong RP Act 1951. lyngba ki TV, ki cinema ne kiwei ki lad phathai khubor. La khang ruh ban pynlong ia ki Concert, ne kino kino ki jingpynbyrngia ba don jingiadei bad ka elekshon.
Kino kino kiba ialeh pyrshah ia kane ka hukum kin shah pynshitom katkum ki kyndon aiñ 126 (2) jong ka Representation of People Act 1951.