Ka Shillong Lajong FC kan sdang ia ka jingïalehkai 2025-26 jong ka Indian Football League (ba la jer kyrteng thymmai na ka I-League) ha la ïing pyrshah ia ka Rajasthan United FC ka ban long ha madan First Ground SSA Polo ha ka por 6:30 Janmiet ha ka 1 tarik Lber 2026.
Haba kren sha ki lad pathai khubor u bah Seibor Sana Adviser jong ka Shillong Lajong FC u la khot la wer ïa ki riew paidbah ba kin wan bai ka jingkyrshan da kaba wan ban sakhi ïa Kane ka jingïalehkai ha ka sngi u Blei ha madan Polo hapoh ka jingialam u Birendra Thapa kum u Coach.
Nalor kata u la ong ka Shillong Lajong kan sei madan tang da ki rangïalehkai trai ri bad khlem da kynthup ia ki rangialehkai bar ri ha kane ka samoi ialehkai 2025-2026 indian football League bad kan kham jied bun da ki rangialehkai na ka jylla.
Na ka liang u Manager ka Shillong Lajong FC u Bah Habamutlang Lyngdoh u la ong haba iadei bad ka ticket na ka bynta ka jingialehkai la sngi u Blei yn sa die ha ka sngi Saitjain kata ha ka 28 tarik Rymphang 2026.
