Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long mynta ka sngi 20 tarik Nailur ha madan Artificial Diengshynrum, Khliehriat.
Haba phai sha ka jingïakhun kaba nyngkong ka Musniang SC kala jop da 8-0 kol ïaka Pamrakmai SCSC, ïa ki kol naka Musniang SC la thep da u Mebanlamlynti Phawa haka minit ba 4, u Michael Rymbai haka minit ba 32, u Eleven Biam haka minit ba 53 &75, u Nikerda Dkhar lai kol (hattrick) kata haka minit ba 69, 78 & 80 bad u Mehiwanki Siangshai haka minit ba 85.
Katba ha ka jingïakhun kaba ar ka Bataw YWSC kala jop da 1-0 kol ïa ka Jalyiah United SC ïa katei ka shikol na ka Bataw YWSC la thep da u Damepaya Borloi haka minit ba 57.
Lyngba kane ka jingjop jong ka kynhun Musniang SC bad ka Bataw YWSC mynta ka sngi kila ïoh ban rung sha ka Quarter Final jong kane ka lympung.
