Ka jingïalehkai phutbol bala pynïaid da ka West Jaiñtia District Sports Association (WJDSA) kaba la long mynta ka sngi 29 tarik u Nailar haka kyrdan ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun na ka liang ka kynhun ïalehkai jong ka Lumpyrtuh Mihmyntdu SC kala lah ban pynliem da 2-1 kol ïaka Nangbah SA, ïa ki ar kol na ka Lumpyrtuh SC la thep da u Remember Lamare ha ka minit ba 25 bad u Arwan Rymbai haka minit ba72. Katba ïaka shikol naka Nangbah SA la thep da u Heinipaia Pasi haka minit ba 43.
La pyntip ha ka jingïakhun 2nd Division lashai ka sngi 30 tarik u Nailar kan long hapdeng ka Khliehmynkrem SC pyrshah ïa ka Caroline Colony SC ha ka por 2 baje shiteng janmiet.
