Ka Rumshnong Youth Club Bataw kala shim ia ka rai ban pynkylla noh ia ka kyrteng jong ka Tournament jong ka na ka RYC Bataw Knockout Football Tournament sha ka Umsyngki Knockout Football Tournament ha ka jingshim rai ka Executive Committee kaba la pynlong ha ka 24/10/2025.
Ka jingthmu ba kongsan haba pynkylla ia kane ka kyrteng ka long ban ai nam noh ha ka pung Umsyngki kaba don harud jong ka shnong, kaba la angnud ruh ban pynlong ia ka Umsyngki Festival kum shi bynta ban pynneh pynsah ia ka mei mariang hapoh jong kane ka thaiñ.
Kumta kumba ju pynlong ia ka Football Tournament mynta ka la poi sha ka wat kaba 4 (Saw) ia kaba yn tip kum ka 4th Umsyngki Knockout Football Tournament 2025-2026 ia kaba la buh thong ban sdang ha ka 20/12/2025 ha madan Lacheh Playground Bataw.
Ka jingthmu ba ha khmat eh jong ka Club ban buh ia kane ka Tournament kaba heh hapoh ka thaiñ ka long shi bynta ban kyntiew ia ki kam ialehkai hapdeng ki khun samla kiba don ka sap ka phong ha ki kam ialehkai bad ruh ban pyllait ia ki na ki jingdih pynbuaid ba bun jait kiba la sdang ban suhthied wat sha ki thaiñ nongkyndong ruh, ong u ma Deihok Sumer u nongialam ka Club uba dei ruh u Waheh Shnong ka Shnong Bataw.
Ka thong pisa ha kane ka samoi ka long Rs.2,00,000/- (Ar lak tyngka) bad ki Trophy ia ka kynhun kaba jop Final bad Rs.1,00,000/- (Shilak tyngka) ia ka kynhun ba wan ba ar ha ka Final ryngkat ki Trophy.
Kan don ruh ka khusnam pynshlur ba kynthup ia ka Best Player bad ka Best Goal Keeper.
Kane ka Tournament kan pdiang tang 16 tylli ki kynhun (teams). Ka bai rung ka long Rs.6000/- ha kaba la kheinlang bad ka bai register player.
Kumta ka Club ka khot sngewbha ia baroh ki team la ki dei ki team marwei, ki Club Dong, Club Shnong bad kiwei kiba don hapoh ka thaiñ kumjuh na bar jong ka District ruh ban wan iashim bynta ha kane ka Tournament khnang ba ki jingthmu jong ka Club kin long kiba jop.
Ia ki jingtip kiba kham bniah lah ban iakynduh ia u Sport Secretary ma Niki Lyngdoh lane phone ha u No:878-7821276.
