Ka lyngpung ïalehkai phubol jong ka kyrdan 3rd Division 2025 League Stage, bala pynïaid da ka East Jaiñtia Hills District Football Association (EJHDFA), kaba la long mynta ka sngi 11 tarik ha madan Artificial Turf Diengshynrum, Khliehriat East Jaiñtia Hills District.
Haka jingïakhun kaba nyngkong ka Mookympat SC kala jop da 4-2 kol ïa ka Seinkhynroo SC Umsatai, ïa ki kol na ka Mookympat SC la thep da u Runi Pynshai Sutnga haka minit ba 1 & 70, u Mevi Lyngdoh ha ka minit ba 31 bad u Emlang Suja haka minit ba 35. Ïa ki kol na Seinkhynroo SC Umsatai la thep da u Fullmon Lamare haka minit ba 40 bad u Jiwell Sympli haka minit ba 76.
Haka jingïakhun kaba ar ka Wahsanphaw SC Sohkymphor kala jop da 4-0 kol ïa ka Umlawang SC, ïa ki kol na ka Wahsanphaw SC Sohkymphor la thep da u Iakitlang Lyngdoh haka minit ba 18, u Delight lyngdoh haka minit ba 36, u Dayomiki Lyngdoh haka minitba 71 bad u Raplang Lyngdoh haka minit ba 72.
Katba haka jingïakhun kaba lai kaba la long hapdeng ka Sonapyrdi FSC pyrshah ïaka RymbaiSYWO kila poi sha ka jingïakhaid khlem don kiba ïoh ban thep kol (0-0). Lapyntip ba ka jingïakhun kan bteng biang lashai ka sngi 12 tarik ha ki lai tylliki jingïakhun.
