Ka lympung ïalehkai phutbol jong ka Amlarem Football League 2024-2025 bala pynïaid da ka Amlarem Sub-Divisional Sports Association (ASSA), ha Madan phutbol ka Jaraiñ West Jaiñtia Hills District kala jam sha ka jingïakhun Final jong ki lai tylli ki kyrdan ka ban long haka 5 tarik bad 6 tarik mynta u bnai Rymphang 2025.
Na ka liang ki bor pynïaid jong kane ka lynpung kila pyntip ka jingïakhun Final haka 5/02/2025 ha ka kyrdan (Lower division) kan long hapdeng ka kynhun ïalehkai jong ka Padu United pyrshah ïaka Padu Masku Sport Club haka por 11 baje mynstep. Katba haka kyrdan (Upper Division) ka Sohlawiat SC kan ïakhun pyrshah ïaka Lamin XI haka por 1 baje nohphai sngi.
Ha ka 06/02/2025 ka jingïakhun phainal (Super Division) kan long hapdeng ka Seinbhalang Shkentalang pyrshah ïa ka Amlarem Social Club haka por 1 baje nohphai sngi.