Ki khynnah ialehkai ka jylla ki la wanrah nam da kaba ioh khur haduh 5 tylli ki medal ha ka Asian Pacific kick boxing Championship kaba la long ha Bali Indonesia.
Haba kren sha ki lad pathai khubor ha Shillong Press Club u President ka All Meghalaya Kick boxing Championship u Bah Samuel Hashah u la pynpaw ia ka jingsngewnguh ia ki khynnah ialehkai ka All Meghalaya Kick boxing Association kiba la wanrah nam ia ka jylla ha kane ka rynsan ialehkai kaba la dep long ha Baki Indonesia.
Shuh shuh u la ong ki khynnah kiba lah leit iashim bynta sha ka Asian Pacific Kick boxing Championship ha Indonesia ki kynthup ia i Amegrace Nongbsap 10 snem Sub Junior I ba la ioh Gold Medal, Ozanica Nongbsap 12 snem Sub Junior iba la ioh Gold Medal, Banshailin Grace Masharing 14 snem Sub Junior iba la ioh Silver Medal, Blaiona Khamujai 19snem iba la ioh Bronze Medal, Mewanpyndap Marpan 16 snem uba la ioh ha ka Bronze Silver.
Nalor kata u pynpaw ka jingsngewnguh ïa ki kmie ki kpa ki riewshimet kiba la noh synniang haba iadei bad ka jingleit iashimbynta ki khynnah sha katei ka jingialehkai kaba la long ha Indonesia. Khatduh u la kyntu ia ka sorkar ba kan ithuh noh ia ka jinglehkai Kick boxing ha ka jylla, u la phah shithi bunsien sha ka Meghalaya State Olympic Association bad kumjuh sha u Director ka tnad sports ban ithuh noh tang kawei ka Association da kaba pynlong da ka Elekshon hynrei haduh mynta kam pat shimkhia da ka tnad ialehkai.
