Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 24 tarik u Risaw ha ka jingïakhun 3rd Quarter Final ha madan Wahiajer Multi-Sports Complex.
Haba phai sha ka jingïakhun ka Khliehtyrshi SC kala jop da 2-1 kol ïaka Tyrshang SC, ïa ki kol na ka Khliehtyrshi SC la thep da u Cheimi Dkhar haka minit ba 33 bad u Bravemi Rymbai haka minit ba 80+5. Katba ïa ka shikol na ka Tyrshang SC la thep da u Baranabas Pyngrope haka minit ba 30.
Da kane ka jinglah jong ka Khliehtyrshi SC ban pynliem ïa ka Tyrshang SC, ka Khliehtyrshi kala ïoh ban rung sha ka Semi Finar jong kane ka lympung.
La pyntip ka jingïakhun 4th Quarter Final kan long lashai ka sngi 25 tarik u Risaw haka por 2 baje nohphai sngi hapdeng ka Larnai SC pyrshah ïa ka Dongmihsngi SC.
