Namar ka jinghap u slap ba jur ïaka jingïalehkai Under-16 Boys Inter District Cricket Tournament 2025 (Zone-1) kaba la long mynta ka sngi 16 tarik hapdeng ka Shillong Cricket Association-A pyrshah ïaka West Khasi Hills DCA, Nongstoin la hap ban pynsangeh noh da kaba ïasam mar shi point.
Ïa kane ka lympung la pynlong da ka Meghalaya Cricket Association (MCA) ïa kaba la pynïaid da ka West Jaiñtia Hills District Cricket Association (WJDCA) ha Madan Thad, Mukhla Mission, West Jaiñtia Hills District.
Haba phai sha kane ka jingïalehkai kaba ar hapdeng ka Shillong Cricket Association-A (SCA-A) pyrshah ïa ka West Khasi Hills DCA, Nongstoiñ ha kaba ïaka toss la jop daka WKHDCA kaba kam ban ka wang Ball shuwa, ka SCA-A haba wan ban tied ka la kamai 114 runs da kaba duh 2 wickets haduh ka 17 overs bad ïa ka jingïalehkai la hap ban pynsngeh noh na ka daw jong ka jinghap u slap uba jur haduh ba la pynlong ïa ka madan kaba la dap um lut baroh kawei.
Kumta hadien ka jingleit peit bniah da ki Umpire la rai ba ïa ka Match la hap ban pyndam noh bad ki Captains jong baroh ar tylli ki Teams ki la pdiang ïa ka jingpynïaid ki Umpire ban ïasam mar shi point.
Ka jingïalehkai lashai ka sngi ka 17/04/2025 kan long hapdeng ka East Khasi Hills C.A pyrshah ïa ka Ribhoi D.C.A naduh ka por 8 shiteng mynstep.
