Ki ar tylli ki jingïalehkai jong ka District Cricket League 2026 ba la pynlong da ka West Jaiñtia Hills District Cricket Association, Jowai kila ïasam noh mar shi point na ka daw ka jingpynthut u slap mynta ka sngi 13 tarik u Lber, 2026.
Kine ki kynhun kila long hapdeng ka War Jaiñtia United pyrshah ïa ka West Jaiñtia Police bad katba ka Tympang CC pyrshah ïa ka Chutwakhu SC.
Hadien ka jingleit peit bniah ïa ka madan da ki Umpires ryngkat bad ki Captains jong ki Teams ha ka por kumba 11 baje shiteng mynstep la lap ba ka madan ka la dap um bad ym long shuh ban pynïalehkai, kumta ki Umpires da ka jingïamynjur lang bad ki Captains ki la rai ban pyndam ïa ki jingialehkai bad ïa ki points la ïa sam mar shi point hapdeng jong ki Kynhun.
La pyntip ki jingïalehkai la shai ka sngi ka 14 tarik kin long hapdeng ka Moodymmai Su pyrshah ïa ka Khliehtyrchi SC ha Khliehtyrchi Mini Stadium bad ka Goodwill Mupliang pyrshah ïa ka Riwar Titan CC ha Wahiajer Mini Stadium haka por 9 waje mynstep.
