Ka kynhun jong ka Shillong Cage Fighting Championship hynne ka sngi ka 26 tarik Jymmang 2025 ki la wan pyntip paidbah ha shillong Press Club ba kin sa pynlong ia ka Shillong Cage Fighting Championship.
Haba kren sha ki lad pathai khubor u Bah Isaiah Kharmawphlang kynhun jong ka Shillong Cage Fighting Championship u la pyntip ba ka kynhun kan pynlong ia kane ka rynsan iakhun ha ka 28 tarik June ha Lariti Multipurpose Hall Mawkasiang ka ban sdang naduh ka por 4 baje haduh 8 baje.
Shuh shuh u la pyntip ba ha kane ka jingialehkai kiba wan iashim bynta kin kynthup na ka jylla Meghalaya bad na kiwei kiwei de ki jylla.
Ka kham itynnad bha ka dei halor ka jingwan iashim bynta u Johnny Nongrum uba dei u rangialehkai ka jylla bad kumjuh u Anurag Sing uba dei u player uba la mihkhmat ia ka India ha ka world Championship.
U ai khublei ia ka sorkar hapoh ka jingialam u Conrad Sangma uba la kloi ban iarap ia ka kynhun ban pynlong ia kane ka jingialehkai ba kan iaid shakhmat bad u la pyntip ba ka jingialehkai halor kane ka Shillong Cage Fighting Championship kin don haduh 12 tylli ki jingiakhun, ka ticket na ka bynta ki paidbah kin sa pyllait ha ka website www.scfc.in.