Ka Sports and Youth Sub Committee ka seng ki samla pule ka thaiñ Warjaintia ka War Jaintia Students’ Union (WJSU) ha ka jingpynlait khubor mynta ka sngi 8 tarik Ïaïong ba ka seng kala pynkhreh shait shait ban pynlong ïa ka historic football tournament hapoh ka thaiñ War Jaiñtia kaba la tip kum ka 1st Warjaiñtia Invitation Football Tournament 2025 ha madan ïalehkai ha Amshipai (Amsohkrut) Amlarem Civil Sub-Division.
Ïa katei ka Football Tournament yn plie paidbah ha ka 12 tarik u Ïaïong, 2025 haka por 11 shiteng mynstep. Ka Sports and Youth Sub Committee ka sngewbha ban pynbna ba ha kane ka sien kaba nongkong jong ka 1st Warjaiñtia Invitation Football Tournament 2025, la ailad 8 tylli ki team baroh, 4 tylli lah jied napoh ka thaiñ Warjaiñtia kum ki host competitors bad 4 tylli ki team na shabar ka thaiñ Warjaiñtia, kawei ka team la jied na Laskeiñ region ka West Jaiñtia Hills, kawei ka team lah jied na Thadlaskeiñ region jong ka West Jaiñtia Hills, kawei ka team la jied na Saipung region jong ka East Jaiñtia Hills bad kawei ka team na Pynursla region jong ka East Khasi Hills.
Ka Sports and Youth Sub Committee ka la dep ban pynkhalai ïa ka jingïakhun kine ki teams ha ka knockout format. Ha ka First Round Quarter Final, ki 4 tylli ki team nabar kin ïakhun bad 4 tylli ki team ba napoh ka thaiñ Warjaiñtia.
Katba ka jingïakhun ha ka Opening Ceremony kan sdang haka por 2 baje nohphai sngi jong ka 12 tarik u Ïaïong, 2025. Ka jingïakhun ba nongkong kan long hapdeng ka Iatyllilang lumsehkot Cultural Sports Club Raliang ka lahduh ka Laskeiñ region pyrshah ïa ka Amlarem Social Club ka lahduh ka Super Division Amlarem Sub-division.
Ha ka 19 tarik u Ïaïong, 2025 ka Lamyrsiang SCC ka lahduh ka Saipung region West Jaiñtia Hills kan ïakhun pynshah ïa ka Lamin Eleven SCC ka lahduh jong ka 1st Division Amlarem Sub Division ha ka por 2:00 pm.
Ha ka 26 tarik u Ïaïong 2025 ka jingïakhun hapdeng ka Nongkhohrim SC ka lahduh Thadlaskein region hapdeng ka Padu United ka lahduh 2nd Division Amlarem Sub Division ha ka por 2.00 PM.
Ha ka 3 tarik u Ïaïong 2025 ka jingïakhun hapdeng ka Nongmadan Sport & Cultural Club Top team na Pynursla Sub-Division pyrshah ïa ka Syndai Pynllun Sport Club (Host Team).
Na ka liang ka Sports and Youth Sub Committee kala pyntip shen kan pynbna ïa ka fixture jong ka first bad second Semi Finalists matches bad ka final match kumjuh.
Ka Sports and Youth Sub Committee ka khot sngewbha bad wer ïa ki President, Secretary bad ki Manager ki Club ba pawnam ka Shillong League kumjuh ki nongmih khmat ki Club ha Northest India hi ban wan sakhi ïa katei ka Invitation Tournament hapoh ka thaiñ Warjaiñtia. Da ka jingwan sakhi dalade, yn ïohi ia ka sap ka phong ki rang ïalehkai phutbol ka thaiñ bad kumjuh na kitei ki thaiñ kiba wan ïashim bynta ha kane ka invitation tournament 2025 jong ka Warjaiñtia.
La khot bad wer kumjuh ïa ki para thaiñ na Warjaiñtia ba kin wan ban ai jingkyrshan pura ïa kane ka 1st Warjaiñtia Invitation Football Tournament 2025. kumjuh ruh na ki thaiñ Jaiñtia bad War mihngi ban ïawan pynsngaiñ ïa kane ka Tournament, lyngba kane ka lympung ki footballers ka thaiñ kin ïoh ban shah jied ha ki Club ba pher bapher ba paw ka jylla bad pynlong ïa ka football kum ka lad kamai jong ki.
Khadduh na ka liang u Secretary bad Chairman ka Sports and Youth Sub Committee ki ai khublei kyrpang ïa baroh kiba kyrshan ban pynurlong ïa kane ka Tournament bad ka seng ka kyrmen katkum ki sap ki talent ki footballers ka Warjaiñtia kan long ka football hub ka Meghalaya bad kumjuh jong ka Northeast India. Pynkut ka kyrwoh na u bah Deilang Syad, Chairman ka Sports and Youth Sub Committee ka WJSU Central Body, Amlarem.
