Ka Sorkar Jylla hapoh ka jingialam jong u Myntri Rangbah Conrad K. Sangma da ka jingiatreilang bad ka Tnad Ialehkai, u Myntri ba khmih ia ka Tnad Ialehkai, u Bah Weiladmiki Shylla ka la rai ban ai ia ka baibam lane ka Scholarship na ka bynta ki nongialehkai ha ki thup bapher bapher na ka bynta ban ai mynsiem bad kyrshan ia ki ha ka kam ialehkai.
Ka Sorkar ka la pynbna ba ka jingpynlut na ka bynta kane ka bynta kan long haduh 7.5 klur tam, kata kynthup ia ki nongialehkai bad ki Coach.
Kiba lah ban ioh ia kine ki jingiarap ki long ia ki nongialehkai bad ki coach kiba donsap tang napoh ka Jylla Meghalaya. Kan long kyrpang ruh na ka bynta kito ki nongialehkai kiba la khur takma ha ki rynsan baheh (National & International). Kane ka baibam kan long ruh ka jingkyrshan kum ka tulop ba shisien shibnai ia kaba yn sa phah sha ki back account jong ki.
Kane ka bhah la dep ban bynta ruh na ka bynta u snem 2024-25 ha kaba la kyrshan palat 600 ngut ki nongialehkai bad ki coach.
Lyngba ka jingkyrshan jong ka sorkar, yn ioh ruh ia ki jingshah hikai ba khlem jingsiew ia kaba yn sa ioh ruh ia ka kabu ban mihkhmat ia ka Jylla sha ki lympung baheh, kynthup ia ka Khelo India bad National Games.
