Ka SWKHD Cricket Association ka pynpaw ia ka jingsgewkhia kaba jur halor ka jingkynnoh bym don nomgrim jong uwei u rangielehkai Cricket jong ka SWKHD ïa ka Meghalaya Cricket Association (MCA) ha ki lad pathai khubor ha kine ki khyndiat sngi ba ladep ba ka don ka jingleh politik da ka Meghalaya Cricket Association ha kaba ïadei bad ka kam jied rangialehkai ban mih khmat ia ka jylla.
U samla Divension Lyngdoh u la kynnoh ba ka don ka jingbamsap kaba jur hapoh ka MCA da kaba pynrung rangialeh kai da ki bar jylla bad shim pisa haduh 5 lak ne 6 lak tyngka katba ka don pat ka jingleh shiliang khmat ia ki rangïalehkai trai jylla.
Ha kaba ïadei bad kane na ka liang ka SWKHD Cricket Association ha ka 26 tarik u Naitung 2025 ka la shong ia ka jingïalang ba kyrkieh hapoh Mawkyrwat bad ioh ban pynshai ruh ha kaba idei bad katei ka kam.
U Bah Banteibor Lyngdoh, President bad bah Bakhain Nongsiej, Secratary haba kren sha ki lad pathai khubor ki la iathuh ba ia u Dibension Lyngdoh bad laingut kiwei pat, ka Association ka la phah ban mih khmat sha ka trial ba la pynlong da ka MCA ha Jagi Road Assam naduh ka 8 haduh ka 10 tarik Jylliew 2025 bad katkum ka jingpeit bniah lyngba katei ka trial une u rangialehkai um shym la lah ban iehlai bha bad kumta u khlem shah jied ha ka thup jong ka jylla.
Halor katei ka jingkren jong u ha ki lad pathai khubor, na ka liang ka Association ka la pynpaw ba kam don kano kano ka jingtip hynrei kadei ka jingleh shimet jong u bad lehse kadei na ka daw ba um shym shah jied la ong ki nongialam ka Association.
Ka SWKHD Cricket Association ka panmap ruh na ka Meghalaya Cricket Association ba ka kum phah ia utei rangialehkai sha ka trail kaba wanrah pynban ia ka jinglehrain ia ka Association, ia ka District baroh kiwei bad kaba la ktah mationg ruh ia ka MCA.
Ka Association ka la rai ruh ba kam don kano kano ka jingkit khieh ia utei u rangialehkai lada ka MCA ka shim da kano kano ka lynti ha kaba iadei bad katei ka jingleh jong u.
