Ka kynhun ïalehkai jong ka Mowkaiaw CYC kala jop da 14 runs ïa ka Evergreen Mukhla Mission, haka jingïalehkai jong ka District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi 2 tarik u Jymmang ha Mini Stadium, Khliehtyrshi.
Haba phai sha ka jingïalehkai ïa ka jingkynting toss la jop da ka Mowkaiaw CYC kaba la kam trai ban tied nyngkong. Ka Mowkaiaw CYC haba leit tied nyngkong kala kamai 105 runs bad liem lut baroh 10 wickets ha ka overs kaba 24.4. U Kitboklang Lyngdoh ula long u nongtied ba kham paw mynta ka sngi napdeng ki nongtied jong ka Mowkaiaw CYC da ka ba tied marwei 37 runs na ki 38 balls ryngkat bad 5 tylli ki Fours (4s). U Kamkini Sari bad u Shoristar Suna, nongkawang ball jong ka Evergreen Mukhla Mission ki la ïoh ban khyrwit mar 3 wickets.
Namar ka jingpynthut u slap, ïa ka thong la pynduna sha ka 61 runs na ki 18 overs da kaba pyndonkam da ka DLS Method. Ka Evergreen Mukhla Mission ha ka pali jong ka ban beh ïa kane ka thong, ki nongtied jong ka kim lah ban pynjop bad ki lah ban tied tang 47 bad hap lut baroh 10 wickets ha ka overs kaba 17.4. Napdeng ki nongtied jong ka dei tang u Conard Sana u ba kham leh bha da kaba kamai marwei 19 runs na ki 25 balls. U Sandabiang Lathong, u nongkawang ball jong ka Mowkaiaw CYC u ba ïoh ban pynhap 4 wickets na ki 2.4 overs u la ïoh khur ïa ka nam Man of the Match.
Ka jingïalehkai lashai ka sngi, Saitjaiñ 03/05/2025 kan long hapdeng ka Young Lad’s CC pyrshah ïaka Ummulong SC naduh ka por 8 baje shiteng mynstep.