Ka kynhun ïalehkai jong ka Ummulong CC kala jop da 136 runs ïa ka Mowkaiaw CYC ha ka jingïalehkai jong ka District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi 23 tarik ha Mini Stadium, Khliehtyrshi.
Ka jingïalehkai mynta ka sngi kala long kaba noh shilliang hapdeng ka Ummulong CC pyrshah ïa ka Mowkaiaw CYC, ha kaba ka Ummulong CC ka la jop haduh 136 runs. Ïa ka jingkynting toss la jop da ka Ummulong CC kaba la kam trai ban tied shuwa.
Ka Ummulong CC haba wan ban tied nyngkong kala kamai 193 runs na ki 30 overs bad liem 6 wickets. U Aaron Lamare ula lehkai bha da kaba tied marwei 63 runs na ki 63 balls bad u la thlieh ruh ar tylli ki Six (6s) bad khyndai tylli ki Fours (4s). U Rejoice Gassah pat ula tied 40 runs na ki 56 balls ryngkat bad iwei i Six (6) bad lai tylli ki Fours (4s). U Kishan Lyngdoh, nongkawang ball jong ka Mowkaiaw CYC u la ïoh ban pynhap 2 wickets na ki 6 overs.
Ka Mowkaiaw CYC ha ka pali jong ka ban beh ïa ka thong, ki nongtied jong ka kim lah ban shan ïa ka jingtbit jong ki nongkawang ball jong ka Ummulong CC bad ki la kyllon uwei hadien uwei bad ki lah ban kamai tang 57 run bad duh lut baroh 10 wicket haka over kaba 15.4. U Heimonlang Lyngdoh, nongkawang ball jong ka Ummulong CC u la lehkai bha haka bowling da kaba ïoh ban pynhap 6 wickets na ki 5.4 overs bad u la ïoh khur ïa ka nam Man of the Match.
Ka jingïalehkai lashai ka sngi (Thursday) 24/04/2025 kan long hapdeng ka Khimusniang SC pyrshah ïaka Lion S&YA naduh ka por 9 baje mysntep.